Аавын нөмөр

Мандах нарнаар тэнгэр ажиж
Өдрийг шинжсэн аавынхаа
Малгайг нь үнэрлээд баймаар байна
Даанч их санаа юу даа

Үр чинь таныхаа элгийг дэвтээж хайрлан
Үнэр нөмөрт чинь жаргаж яваа шүү

Дэлтэй шувуу тэнгэр түшиж
Хийморь нь сэргэсэн аавынхаа
Дээлийг нь нөмрөөд суумаар байх чинь
Дэндүү их санаа юу даа

Үр чинь таныхаа элгийг дэвтээж хайрлан
Үнэр нөмөрт чинь жаргаж яваа шүү

Цагийн зоонд гал шиг асаж
Хат суусан аавынхаа
Цамцыг нь үнэрлээд баймаар байх чинь

Хачин их санаа юу даа

Үр чинь таныхаа элгийг дэвтээж хайрлан
Үнэр нөмөрт чинь жаргаж яваа шүү